فيديو| عمرو أديب منفعلاً عن فرح شعبي في الإسكندرية «ساعدوا البلد يا عالم بتكرهوها ليه»

الإعلامي عمرو أديب
الإعلامي عمرو أديب

علق الإعلامي عمرو أديب على إقامة أحد الأفراح بمحافظة الإسكندرية أمس الخميس، في ظل انتشار فيروس كورونا والإجراءات الاحترازية التي اتخذتها الدولة قائلا: «طبعا لو أتكلمنا هيقولك ده مش عاوزنا نفرح، أنت أزاي تقف قصاد فرحتنا يا عدو الفرحة».

وتابع «أديب» خلال برنامج «الحكاية»، المذاع على قناة mbc مصر، اليوم الجمعة: «أنتو مش واخدين بالكوا من أرقام الإصابة بفيروس كورونا، احنا كل يوم نقول النهاردة أكبر نسبة إصابة في مصر منذ ظهور الفيروس، أنا عاوز أقولكوا أن الأرقام هتستمر في الزيادة، متسائلا: «هل في دولة في العالم بتكتفي بأنها تناشد الناس؟».

وأضاف: «تلاقي واحد يقولك يا عم أنت هتقرفنا ليه، انهاردة أنا شايف صور جاية من طنطا الناس نازلة بالعربيات تحتفل بشم النسيم في الشارع، طب طالما أنت قررت تنزل بالنهار وتتفسح اعمل حسابك على إجراءات الوقاية، أنا مش فاهم أنتو فعلا عاوزين إيه، في أمريكا جريمة أنك تقعد قريب من حد من غير كمامة".

وانفعل «أديب» قائلا: «أنا مش خايف أني يجيلي كورونا، لكن النظام الصحي المصري هل هيتحمل كم الإصابات؟، ده الناس في مصر من دلوقتي بتتكلم في الأطقم الطبية ومستشفيات العزل، طب يا جميل هتعمل إيه لما الحالات تزيد والمستشفيات أصلا متقدرش تستوعب ده، حتى الآن النظام الصحي متماسك، من أسبوع وزارة الصحة مطلعة أدوية تتصرف للطواقم الطبية، عشان نقوي مناعتهم، ساعدوا البلد يا عالم بتكرهوها ليه».
 

 


 

ترشيحاتنا