علق الإعلامي عمرو أديب، على عدم وعى المصريين وإهمال أساليب الوقاية استمرارهم في الاختلاط، رغم وجود إصابات بفيروس كورونا كل يوم إلى جانب وفيات قائلا: «يا جماعة الناس في أمريكا بيموتوا بالألفين في اليوم، ده لو بيموتوهم بالرصاص الحي مش هيموتوا بالأعداد دي».
وأضاف «أديب»، خلال برنامج «الحكاية» المذاع على قناة mbc مصر، يا جماعة نسبة الوفيات في مصر كبيرة جدا تعتبر من أكبر النسب في العالم، افهموا بقى حرام عليكوا، أنتو رايحين تلعبوا مع الأسد، هو في حد عاقل يروح يلعب مع الأسد برضه؟، أنت مش بتضر نفسك أنت بتضر كل اللي تعرفهم.
وتابع: «الناس اللي بتطلع تهبد على السوشيال ميديا وتقول مؤامرة، مؤامرة إيه يا ابني؟، أنت مبتشوفش اللي بيحصل في العالم ولا إيه، قائلا: «أرجوكم نقطونا بسكاتكم، بره مصر الناس قافلة بلادها والصحة العالمية قالت كده، لأن نسبة الإصابات مش هتقف تماما إلا لو الناس منزلتش الشارع، الناس اللي بتغامر في شغلها مضطرة تعمل كدة عشان ميموتوش من الجوع، الناس التانية بقى بتنزل ليه، في 188 دولة مرزوعة في الحيط».
