فيديو| محمد منير: غنيت يوم وفاة أمي وأريد كسر قيود المنطقة العربية

 الفنان محمد منير
الفنان محمد منير

طرح الكاتب عمر طاهر، الجزء الأول من لقائه مع الفنان محمد منير، كان طاهر قد أوضح أن حواره مع محمد منير يأتي ضمن فعاليات حفله المقرر إقامته خلال الفترة القادمة.

قال الكينج محمد منير خلال اللقاء: "أن الغنا شيء صنعه ربنا، صنعه في النجفة الجميلة اللي أنت بتشوف السحب فيها، صنعه في خرير الميّة، صنعه في صوت الموج، صنعه في ضحكتنا، فملخص كل ده الغنا، عشان كده أنا مخترتش حاجة أجمل من الغنا علشان أقدر أحب نفسي وأقدر أستمر في الحياة".

أضاف في حواره مع عمر طاهر: "مفيش حد مبيحبش الغنا، اللي بيبيع لنا برتقال في الشارع بيحب الغنا، المهندس بيحب الغنا، تخيل أنا يوم وفاة أمي الله يرحمها نسيت نفسي ومن الصبح مشغول فدخلت الحمام فلقيت نفسي بغني، معرفش غنيت إيه، بس تداركت في لحظة إن أنا في حالة حزن، معرفش أغني، توقفت عن الغنا".

تابع: "ما أجمل أن تختار مهنة هي فيها الإنسان كله، الإنسان لا يعشق غير الفرحة، والفرحة مبتجيش إلا بالغنا، مؤكدًا أنه يريد كسر حواجز المنطقة العربية، لإن دي المنطقة اللي تقدر تفهم لغتي، وتقدر تفهم حشدي للكلمة، والحمد لله أنا واحد من الفنانين اللي قدروا يوصلوا حنجرتهم لأي جنسية عربية، وده شيء في حد ذاته بيخليني فخور، والفخر ده جاي من لغتي العربية، إن أنا قدرت أحشدهم ويؤمنوا بي وبرسالتي وبآرائي وبأفكاري عشان أحشدهم لشيء واحد، للسعادة".

وعلق على "عدة الشغل الشائعة حاليًا بين الفنانين، مثل النيولوك والفوتوسيشن"، قائلًا: "كل ده ملحوق، وتقدر تحصل عليه، هل أقول لك إن أنا العربي الوحيد الحاصل على 3 أسطوانات بلاتينية، واحدة دهب، معتقدش إن حد على أرض العالم العربي حصل عليها، أنا بشتغل على رؤية الإنسان، وماذا يحتاج، ما مشاكله، ما مشاكل حبه، إيه اللي هو طالبه، فأنا بشتغل على ده".

يشار إلى أن عمر طاهر قدم من قبل عدة تجارب لتقديم البرامج منها "وصفولي الصبر، صنايعية مصر، مصري أصلي".

يُذكر أن، أخر حفلات محمد منير كانت في مهرجان الموسيقى العربية بدورته، وظهر في الحفل وهو جالس علي كرسي، وبعد ذلك كشف عن السبب.


 

 

 

 


 
 
 

 

ترشيحاتنا