أحمد سالم
# هشتجة
لما الدولار يغلى والأسعار تولع يقولك مش عارف مين خربها والبلد هتفلس،
ولما الدولار ينزل (وبعض) الأسعار ترخص،
يقولك ده دليل على إن الاقتصاد تعبان ومحدش معاه فلوس يشترى
طب انت عايز إيه واحنا نعمله، نعملك شاى طيب؟؟
# ابنك_زهقنا_ياحاج
بعد كده يا جماعة لما يبقى عندنا إعصار بلاش نقول عشان الحاجات دى بتتحسد
# داري_علي_اعصارك_يزيد
# كل_واحد_يخلي_باله_من_اعاصيره
# هو_اعصار_بس_مجهد_شوية
# وكالة_الحاج_ناسا_وشركاه_للمانيفاتورة
لو على البلاعات اللى مش سالكة دى أمرها سهل
لكن هنعمل إيه فى النفوس اللى مش سالكة
الإعصار ده بتاع العيال التوتو،
احنا فى اسكندرية بنسميها نوة وبنفرح بيها عشان بناكل عدس
# ايووه_ياجدعان
لو كان فى اتنين حاضنين بعض فى القطار،
الشعب المتدين بطبعه ده مكانش سكت ابدااا
# نيجي_في_الهايفة_ونتصدر
هى أمريكا كل ما تلاقى نفسها فاضية تقتل أبوبكر البغدادى؟
مايكونش هو ده الفراغ القاتل
# كل_ماتتزنق_خلص_عالبغدادي
تفيد بإيه التقارير والدراسات مع ناس مقتنعين تماما بمقولة محمود عبدالعزيز الخالدة عن التورلوب.... اسأل العليل ولا تسألش التحاليل.
مصر المسلسلات والأفلام بيقدموا فيها ويسكى وكونياك للضيوف، لكن مصر بتاعتنا الضيف آخره بيبس الصاروخ أو شاى العروسة وصوابع لامؤاخذة زينب.
