المجاملة فساد «1»

لابد أن ننتبه للكلمات المهمة التى قالها الرئيس عبد الفتاح السيسى أثناء حفل تخرج أول دفعة من كلية الطب العسكرى ، ذكرنا الرئيس بأهمية أن نحلم لبلدنا، وأن ننفذ أحلامنا لتطوير هذا البلد العظيم، وهو ما حدث معه شخصيا ، قال: «النهاردة يوم جميل لأن ده عبارة عن فكرة فكرنا فيها، وحلم موجود فى القوات المسلحة من فترة طويلة، ولما أنا اتوليت الوزارة فى الوقت ده، كانت جاتلى الفرصة إن إحنا نطلق الفكرة ويكون فيه كلية طب عسكرى، وقلنا عاوزين ناخد بإيدين العلم والمعرفة الطبية من خلال الكلية دى».
كلمات الرئيس السيسى تفتح أمامنا الكثير من أبواب الخير لنا ولمصر، بشرط التجرد وإعلاء قيم المصلحة العامة والعليا للوطن، وكل خير يعم على كل أفراد الوطن، فالطبيب المؤهل المتخرج من هذه الكلية يعالج المرضى من الشعب مع المرضى من القوات المسلحة، لقد قال الرئيس: « أى حلم إن إحنا ممكن نحلم بيه بنستكتره على نفسنا، بنتكلم عن موضوع بقاله 6 سنين، وبعد 6 سنين بنشوف أول ضوء منه، أوعوا تفتكروا إن الحلم خلال 6 سنين كانت اتسابت الكلية كده.. لا.. الكلية دى كانت بتتابع منى بشكل مستمر يوم بعد يوم.. احنا كمصريين فى كل إجراء بنعمله كل مسؤول يتابعه لغاية لما يخلص وحتى بعد ما يخلص، إذا كنتم عاوزين تنجحوا وتسبقوا الدنيا وتبقوا دولة ذات شأن أوعوا تفتكروا إن الثمن بتاعها كلام، الثمن مش كلام، والثمن عمل، عاوز أقولكم إن الاختبارات اللى اتعملت للطلبة لما بدأنا نتكلم عن الموضوع ده، قلت الكلية تختبر بالكامل، وقلنا نجيب اختبارات من الخارج، وفى كليات الطب الأخرى الاختبار اختيارى، وجبنا اختبارات من أعرق كليات الطب فى العالم، لكن لما اتكلمنا عن الطب العسكرى مقدرش ألزمها بحاجة أخرى غير الموجودة فى المنظومة. من هنا أكد الرئيس أهمية تطبيق الاختبارات المميكنة على كل الجامعات للحد من التدخل البشرى. وهنا مربط الفرس لكلمة الرئيس الأهم ، وهى «المجاملة فساد». وللحديث بقية إن كان فى العمر بقية بإذن الله.
دعاء : سبحان الله والحمد لله والله أكبر.