شاهد| مقاول يفتح النار على الهارب محمد علي ويفضحه: «الجيش عملك بني آدم»

صورة من البرنامج
صورة من البرنامج

عرض الإعلامي محمد الباز، مقطع فيديو يحتوى على تسجيل لمواطن مصري يعمل كمقاول مع الجيش المصري، رد خلاله على المقاول الأجير الهارب محمد علي.

وقال المقاول، خلال مقطع الفيديو، في برنامج "90 دقيقة ، المذاع على فضائية المحور اليوم الأحد، إن الرئيس عبد الفتاح السيسي يبني مصر من جديد، مؤكدًا أن الرئيس السيسي هو محمد علي العصر الحديث، قائلا: «البناء ده هيضايق ناس كتير جدًا لأنهم مش عايزين مصر تبنى».

وأوضح  المقاول، أن العمل مع الجيش المصري «ضغط نفسي» وليس أكثر لأن الذي يعمل مع الجيش يضع نفسه في ضغط الوقت، قائلا: «اللي يخلص في 6 سنوات بيخلونا نخلصه في 6 شهور، لأنهم ناس بتشتغل بجد»، مؤكدًا أن من يعمل مع الجيش لا يخسر أبدًا.

وأشار إلى أن  المقاول الهارب محمد علي حصل على قروض من البنوك مستغلًا عمله مع الجيش، وسرق الأموال وهرب إلى الخارج دون أن يضخها في المشروعات، لافتًا إلى أنه اشترى بهذه الأموال فيلات وقصور في مارينا، وهرب أموال أخرى إلى الخارج.

ووجه رسالة إلى الهارب محمد علي، قائلًا: «أنت وسعت على نفسك جامد يا محمد وده مش شغل مقاولات، وسعت على نفسك في العربية اللي اشتريتها وفي حياتك في سن صغير، أخدت فلوس الناس وضيعتها على نفسك، وصرفت على الفيلم 30 مليون جنيه، وخلى الشغل يقصر في 70 أو 80 مليون جنيه، طب أنت جايب فلوسك دي كلها منين لما الجيش بياكلك».

وتابع: «الجيش عملك بني آدم وخيره هو اللي جابلك كل ثروتك، بس واضح إنك عندك حاجة غلط، وما فعلته كان سببه قضايا تلاحقك وفعلت ذلك لكي تطلب اللجوء السياسي، وأنت أصلًا مش سياسي، وعلشان كده طلعت تشتم في مؤسسات الدولة، وحولت نفسك في يوم إلى مناضل».

وأكد أن المقاولون الذين يعملون مع القوات المسلحة في المشروعات يحصلون على كافتهم مستحقاتهم المالية،  مشيرا إلى أن الكيان العسكري ليس سرًا، وكل الفئات عملت في الجيش ودخلت الكيان العسكري، لافتًا إلى أن الأنفاق التي تحدث عنها تم إنشائها لتسهيل حركة المرور، منع الزحام عند مرور القادة العسكريين.

واختتم ، حديثه للهارب محمد علي قائلا : «اطلع اعتذر للناس اللي شغالين معاك إنك أكلت الفلوس عليهم والجيش كان هيساعدك، وأنا بشتغل من 30 سنة في المقاولات، فين الـ500 بيت اللي عملتهم للرئيس السيسي».

 

 

 

 

 

 

ترشيحاتنا