عضو اتحاد الكرة يكشف نقاط قوة حسام الزناتي

محمد فضل وحسام الزناتي
محمد فضل وحسام الزناتي

وجه محمد فضل، عضو اللجنة الخماسية المشكلة لإدارة اتحاد الكرة، رسالة لدعم حسام الزناتي، رئيس لجنة المسابقات الجديد.

 

وقال فضل عبر «فيسبوك»: «حسام الزناتي ...اسم ناس كتير متعرفهوش لكن كان دوره كبير اوي في البطولة الافريقية مكنش بينام علي طول بيشتغل مخلص شاطر نضيف عنده مبادئ جدع كل الناس بتحبه جدا من اول نظرة وتعامل، ده المهندس حسام الزناتي اللي درس في امريكا mechanical engineering .. حسام كنت بطلب منه في البطولة أي حاجة في أي وقت وابقي عارف ان الtask ده خلص وكويس جدا ،كان علي طول الشخص اللي عمره ما خذلني، كان مش دراعي اليمين في البطولة لا ده كان كل حاجة ..كل الناس بتحبه بجد عنده كرامة وشخصية وان شاء الله زي ما راهنت عليه في البطولة وكسر الدنيا وكل الناس كان نفسها يبقى معاها (الاتحاد الأفريقي -Lagardere )هيعمل حاجة محترمة ومشرفة للكرة المصرية .... ساندوه علشان ده كادر قوي وهفكركم هيبقي فين إن شاء الله بعد كدة...ربنا يكرمك يا حبيبي".

 

وأعلن اتحاد الكرة تعيين الزناتي رئيسا للجنة المسابقات أمس الأربعاء، واستعان فضل بالزناتي في اللجنة المنظمة لبطولة أمم إفريقيا 2019 والتي استضافتها مصر في الفترة من 21 يونيو وحتى 19 يوليو الماضي.