علشان كده مصر مش هتقع| عبدالتواب وعبدالصبور.. قبطي يسجل ابنيه باسمين مسلمين

صورة موضوعية
صورة موضوعية

نشر استشاري الجلدية ورئيس المركز القومي للبحوث سابقا د.هاني الناظر، روشتة لمريض في عيادته يدعى مينا عبد التواب.

وكتب د. هاني الناظر، عبر حسابه بموقع "فيسبوك" قائلا:«النهاردة كان عندي في العيادة شاب وبعد ما كشفت عليه وباكتب اسمه على الروشتة قالي اسمي مينا عبد التواب قلت له لا ما اسمعتش !.. فضحك وقالي واسم عمي عبد الصبور فقلت ولكن اسمك مينا.. فقالي أيوة أنا قبطي وجدي كان أعز أصدقائه اتنين مسلمين فاطلق علي أبويا وعمي اسمهما».

وتابع الناظر قائلا: «حضراتكم عرفتوا ليه مصر عمرها ما تقع بإذن الله وعرفتوا علاقة المسلمين والأقباط جذورها شكلها ايه وعرفتوا كمان معنى أغنية أنا ابن مصر أنا ضد الكسر».

وأثارت الصورة التي نشرها الناظر موجة من التعليقات للمتابعين لحسابه ومنها «حفظ الله مصر بأهلها الطيبين.. خالص التحية يا دكتور»، و«هى دي مصر الحقيقيه ربنا يبارك فيك يادكتور».