تبحث كثير من السيدات عن طرق مختلفة لعمل اللحمة، احتفالًا بعيد الأضحى، لذا تقدم الشيف عظيمة حمدي في طبق اليوم طريقة عمل «طاجن لحمة رأس» وهى من أكلات العيد الرئيسية على سفرتك.
المقادير
10 عدد عيدان كرفس
5 معلقة كبيرة ماء
4 عدد بصلة
2 عدد ورق لورا
2 عدد طماطم
2 معلقة كبيرة فص ثوم (مفروم)
2 عدد رأس كرات (مفرومة)
2 معلقة كبيرة صلصة طماطم
2 معلقة صغيرة فلفل اسود مطحون (أو حسب الرغبة)
2 عدد بطاطس (مقطع شرائح أو مكعبات)
2 معلقة كبيرة زيت عباد شمس
1 كوب بسلة
1 عدد حباية جزر (مقطعة)
1 معلقة صغيرة بهارات لحمة
1 كيلو لحمة (راس)
1 عدد قرن فلفل حامى
1 كوب عصير طماطم
1 معلقة صغيرة كمون
1 معلقة صغيرة حبهان
1 رشة جوزة الطيب
للتحضير والطريقة:
-أهم شئ في لحمة الرأس أنها تنظف جيدا بالماء والملح والليمون قبل السلق.
- يتم سلق الرأس في حلة من ساعة لساعة ونصف مع جزرة مقطعة وبصلة وكرفس ورأس كرات مفرومة وورق لورا وحبهان والملح والفلفل.
- يتم إضافة في حلة على النار زيت ومعلقتين كبار ثوم مفروم وبصلتين مفرومين ونقلبهم كويس جدا.
-يتم إضافة معلقة كبيرة كرفس ومعلقة كبيرة رأس كرات مفرومة ونقلب جيدا.
-يتم إضافة كوب البسلة ونقلب جيدا ثم نضيف ١ حبة طماطم مقطعة مكعبات ونستمر في التقليب ثم نضيف كوب عصير الطماطم ونقلب جيدا.
-نضيف الكمون ورشة جوزة الطيب و بهارات الحمة ومعلقة صغيرة فلفل و صلصة الطماطم ونقلب جيدا.
-بعد ما اللحمة تتسلق هنشيلها من الحلة ونضعها فى حلة الصوص ونقلبها جيدا بدون رفع حلة الصوص من على النار.
-نضيف في الطاجن 2 بطاطس شرائح, وطماطماية شرائح و فلفل اخضر شرائح وبصلة شرائح وربع كوب عصير طماطم وقرن فلفل حار.
-نرفع لحمة الرأس من الصوص ونضعها في الطاجن وفى الأخر ونضيف الصوص كله في الطاجن ومعه حوالي 5 معالق كبار ماء ونغطى الطاجن بفويل ويدخل الفرن حوالي ساعة على درجة حرارة 180.
