شاهد| كوميديا سمير صبري وماجد الكدواني خلال افتتاح «القاهرة السينمائي»

صورة للفنانين «سمير صبري ، ماجد الكدواني» بمهرجان القاهرة السينمائي الدولي
صورة للفنانين «سمير صبري ، ماجد الكدواني» بمهرجان القاهرة السينمائي الدولي

دار حوار كوميدي بين الفنانين سمير صبري، ماجد الكدواني، خلال تقديم حفل افتتاح مهرجان القاهرة السينمائي الدولي في دورته الـ40، حول كيفية تقديم حفل افتتاح المهرجانات في حضور هذا العدد الكبير من النجوم.

ووجه «الكداوني» للفنان سمير صبري سؤال قال فيه: « بصراحة الموقف مهيب جدا بالنسبة لي.. حضرتك أزاي كنت بتقدم زمان الحفلات الكبيرة دي في وجود كل هؤلاء النجوم الكبار؟ وأزاي كنت بتقدم الحفل وأنت سايب أيدك كده؟».. رد عليه سمير صبري، بطريقه كوميدية، قائلًا «يعني ايه سايب أيدك دي؟».

وتابع الفنان القدير حديثه،: «السر في انك تحب ما تعمله، وأن تكون صادق مع الناس، ولا تقول إلا ما في قلبك وعلى لسانك، ولا تصطنع آو تتجمل».

وجاء رد «الكدواني» على الفنان سمير صبري «الهي يسترك ويسعد أيامك يا رب يا أستاذ سمير».

ونصح «سمير صبري» الفنان «الكدواني»، قائلا «أنا عايزك تجمد كده وماترتبكش، عشان ما يحصلش فيك زي ما حصل لأشرف عباس»،  وقاطعه «الكدواني» قائلًا«مين أشرف عباس؟؟»، ليرد سمير صبري «ده واحد صحبي أنت ماتعرفوش».