تداول مستخدمو موقع التواصل الاجتماعي «فيسبوك» ، صور وفيديو لمنطقة مصر الجديدة بعد بداية نزع قضبان ترام مصر الجديدة، الذي يعتبر تراث بدأ منذ إنشاء مصر الجديدة.
علق نشطاء "فيسبوك" على الصور والفيديو بـ :" لمصلحة مين كل الدمار ده ليه ليه بندمر مكتسباتنا ليه بنخرب اللي ها نرجع نصلحه بعد سنين زي ما الدول الثانية بتعمل وتندم على ما دمرته و بيكلفها مليارات بصوا شوية علي العالم راح فين واحنا رحنا فين بنرجع للوراء هل معقول كده".
كما أثار الموقف غضب الفنانة هيدي كرم التي علقت عليه على صفحتها الرسمية على موقع التواصل الاجتماعي «انستجرام»، قائلة :" العالم كله بيحافظ على خطوط الترام اللي بقالها عشرات وعشرات من السنين لأنها جزء مهم من التراث و لأنها كمان وسيلة مواصلات سهله و رخيصة و بسيطة تخدم سكان المناطق جوا مناطقهم واللي ما عندوش ترام بيعمل ترام علشان يعمل روح للبلد زي دبي اللي بتعمل دلوقتي خطوط مترو تخدم الناس جوه المناطق ".
وأضافت في منشورها على «انستجرام» :" أرجو إعادة النظر في الخطوه دي، ممكن نوسع الشوارع بتصغير الارصفة لكن على الأقل في المرحلة الحاليّه نحافظ على القضبان .. حتى لو ما فيش ميزانيه لتجديده في الوقت الحالي على الأقل نحافظ على مساراته لتجديده في المستقبل، صوره بجد محزنة المترو ده عمره من عمر انشاء مصر الجديدة، شهد على احداث كتير .. تاريخ جميل ... راح و اتدمر".
